04.05.2012 13:51
Þá er loksins búið að virkja flipann "Tjaldleiga" hér á síðunni þar sem hægt er að nálgast upplýsingar um leiguverð og fleira.
03.05.2012 11:38
Kæru félagar
Stöðumat verður laugardaginn 12. maí á Eskifirði. Skráning á skoli.landsbjorg.is Það er líka hægt að senda póst áskoli@landsbjorg.is eða hafa samband í síma 570 5900
Stöðumatið er blanda af verklegum æfingum og viðtali við leiðbeinanda og tekur um 30 mínútur. Þú ferð inn á vefinn www.landsbjorg.is smellir á Björgunarskólinn, þar sérðu sjálfsmötin og getur tekið sjálfsmat í 6 fögum. Rötun, Fyrstu hjálp 1, Fjallamennska 1, Leitartækni, Snjóflóð 1 og Ferðamennska. Við vonumst til að sjá sem flesta.
Bestu kveðjur,
Arna Björg Arnarsdóttir
Slysavarnafélagið Landsbjörg
Björgunarskólinn/ Björgunarsviðsími: 570-5908
farsími: 897-4292
netfangarna@landsbjorg.is
15.02.2012 22:59
Því miður er búið að fresta námskeiðinu sem Lexi ætlaði að halda fyrir okkur þann 18 feb n.k. Vegna snjóleysis..
02.02.2012 09:07
Þann 18 febrúar n.k ætla Lexi og co að vera með sleðanámskeið hjá okkur. Allir sleðamenn bjsv Héraðs eiga að mæta og hvetjum við félaga í öðrum sveitum til að nýta sér þetta námskeið. Nánari upplýsingar verða veittar er nær dregur.
30.01.2012 10:24
Minnum á dagskrá kvöldsins þar sem farið verður í gegnum notkun gps tækja með tölvum og gögn sem því tengjast.
26.01.2012 12:13
Fyrirlesturinn sem átti að vera mánudaginn 6 feb færist til miðvikudagsins 8 feb af óviðráðanlegum orsökum. Um er að ræða afar áhugaverðan fyrirlestur um höfuðáverka. Hvetjum aðrar sveitir til að mæta.
24.01.2012 22:00
Þá er dagskráin fram á vor loksins komin inn á síðuna en beðist er afsökunar á töfinni sem var vegna bilunar í tölvubúnaði.. Dagskráin er sett fram með fyrirvara um breytingar að vanda og í þetta sinn voru ekki sett inn öll námskeið sem eru í boði í nágrenninu né þau sem eru í boði í fjarnámi, félagar eru því hvattir til að skella sér inn á landsbjorg.is og kynna sér það sem skólinn hefur upp á að bjóða. Þá skal vakin athygli á því að enn sem áður getum við óskað eftir námskeiðum frá skólanum með ákveðnum fyrirvara, öllum slíkum hugmyndum og/eða óskum skal koma til stjórnarmanna sem fyrst.
12.01.2012 16:14
Þar sem mikið er um nýliðun hjá okkur nú um þessar mundir erum við að lenda í vandræðum með bæði lykla og skápa. Það er eitthvað um að félagar sem eru ekki virkir í dag séu með lykla sem ættu betur heima í höndum annarra, sama er að segja um búnaðarskápa. Þeir aðilar sem ekki hafa hug á að taka virkan þátt í starfinu í vetur og eru með lykla og/eða skápa eru vinsamlegast beðnir um að mæta á næsta mánudag og aðstoða okkur í að leysa þessi mál.
22.12.2011 12:19
Búið er að útfæra vaktaplan fyrir flugeldasöluna sem hefst 28 des og er opnun eins og hér segir: 28 des.16-22 29 des. 14-22 30 des. 14-22 og 31 des. 10-16. Vaktirnar eru tvískiptar og fólk er beðið að mæta 27 des til að skrá sig á vaktir og undirbúa söluna. Verður boðað nánar síðar með sms.
29.11.2011 17:57
Það vantar mannskap til að fara með unglingadeildinni á Neskaupsstað helgina 17-18 des n.k. Gist verður eina nótt og farið í klifurvegg, kassaklifur og jafnvel siglt eitthvað ef veður leyfir. Áhugasamir hafa samband við formann.
24.11.2011 22:48
Skotstjóranámskeiðið verður haldið á Fáskrúðsfirði 10 des. Skráning á landsbjorg,is eða í síma 5705900.
23.11.2011 17:51
Til stendur að halda skotstjóranámskeið, líklega á Fáskrúðsfirði um miðjan desember. Þeir sem hafa áhuga á að verða sér út um réttindi þessi hafi samband við formann sem allra fyrst.
18.11.2011 13:35
Þeir sem voru að panta peysur, bæði í björgunarsveit og unglingadeild er tilkynnt um að það verður töf á peysum í karlmannsstærðinni Medium, þær koma væntanlega ekki fyrr en í lok des eða í byrjun jan. Aðrar stærðir eru til og ættu að koma fljótlega.
18.11.2011 10:04
Rétt er að ítreka þá umræðu sem fram fór á síðasta mánudag hvað varðar tæmingu hússins fyrir flugeldavertíðina en þeir sem eiga einkaeigur í húsinu eða við húsið sem ekki tengjast starfssemi sveitarinnar eru beðnir að fjarlægja þær í síðasta lagi 1 des n.k.
Einnig vantar umsjónarmann með Ívari á RAM, umsjónarmann vantar á Stefán og þeir sem hafa áhuga á að taka við nýjum sleða eru beðnir að koma því á framfæri við stjórn hið fyrsta svo hægt sé að ganga frá þeim málum.
18.11.2011 09:40
10.02.2012 - 12.02.2012
Sleðamessa verður haldin á Akureyri dagana 10.-12. febrúar 2012. Nánari dagskrá auglýst þegar nær dregur. Sleðamenn, takið dagana frá.
